ენდოკრინოლოგია: ენდოკრინოლოგი ბათუმში

ენდოკრინოლოგია მოიცავს ჰორმონული და მეტაბოლური დარღვევების დიაგნოსტიკას, მკურნალობასა და ხანგრძლივ მართვას. მიმართულება აერთიანებს ფარისებრი, პარათირეოიდული, ჰიპოფიზისა და თირკმელზედა ჯირკვლების დაავადებებს, დიაბეტს, სიმსუქნესა და სხვა ენდოკრინულ პათოლოგიებს.

ენდოკრინოლოგის კონსულტაცია რეკომენდებულია წონის მკვეთრი ცვლილების, მუდმივი დაღლილობის, გულისცემის აჩქარების, ოფლიანობის, წყურვილის, გახშირებული შარდვის, მენსტრუალური ციკლის დარღვევისა და ჰორმონულ ცვლილებებთან დაკავშირებული სხვა სიმპტომების დროს.

ჩვენი სერვისები

ენდოკრინოლოგის კონსულტაცია
პაციენტის ჩივილების, ანამნეზის, არსებული ლაბორატორიული და ინსტრუმენტული კვლევების შეფასება. მიღებული მონაცემების საფუძველზე განისაზღვრება საჭირო დამატებითი კვლევები და დგება მკურნალობის ინდივიდუალური გეგმა.

ფარისებრი ჯირკვლის დაავადებები
ფარისებრი ჯირკვლის ფუნქციური და სტრუქტურული დარღვევების, მათ შორის ჰიპოთირეოზის, ჰიპერთირეოზის, თირეოიდიტის, კვანძოვანი წარმონაქმნებისა და სხვა მდგომარეობების დიაგნოსტიკა და მართვა.

ჰიპოფიზის დაავადებები
ჰიპოფიზის ფუნქციურ და სტრუქტურულ ცვლილებებთან დაკავშირებული ჰორმონული დარღვევების შეფასება, დიაგნოსტიკა და მკურნალობის დაგეგმვა.

პარათირეოიდული ჯირკვლების დაავადებები
კალციუმისა და ფოსფორის ცვლის დარღვევების, პარათირეოიდული ჰორმონის ცვლილებებისა და მათთან დაკავშირებული მდგომარეობების შეფასება და მართვა.

თირკმელზედა ჯირკვლების დაავადებები
თირკმელზედა ჯირკვლების ჰორმონული დარღვევებისა და წარმონაქმნების დიაგნოსტიკა, დიფერენციული შეფასება და მკურნალობა.

შაქრიანი დიაბეტი - ტიპი 1 და ტიპი 2
შაქრიანი დიაბეტის დიაგნოსტიკა, მკურნალობის შერჩევა და გლუკოზის მაჩვენებლების რეგულარული მონიტორინგი. მომსახურება მოიცავს დაავადებასთან დაკავშირებული რისკებისა და შესაძლო გართულებების შეფასებასაც.

უშაქრო დიაბეტი
წყლის ბალანსისა და შარდის წარმოქმნის დარღვევით მიმდინარე მდგომარეობების დიაგნოსტიკა და მართვა კლინიკური და ლაბორატორიული მონაცემების საფუძველზე.

სიმსუქნე და მეტაბოლური სინდრომი
ჭარბი წონის, ინსულინრეზისტენტობისა და მეტაბოლური დარღვევების კომპლექსური შეფასება. მკურნალობის გეგმა მოიცავს კვების, ფიზიკური აქტივობისა და მედიკამენტური თერაპიის ინდივიდუალურ შერჩევას.

ლიპიდური ცვლის დარღვევები
ქოლესტერინისა და ტრიგლიცერიდების მომატებული ან სხვა სახის დარღვეული მაჩვენებლების შეფასება, გულ-სისხლძარღვთა რისკების განსაზღვრა და მკურნალობის დაგეგმვა.

პოლიცისტოზური საკვერცხის სინდრომი
ჰორმონული და მეტაბოლური ცვლილებების შეფასება, რომლებიც შეიძლება გამოვლინდეს მენსტრუალური ციკლის დარღვევით, ჭარბთმიანობით, აკნით, წონის მატებით ან რეპროდუქციული პრობლემებით.

საკვერცხეების ნაადრევი გამოფიტვის სინდრომი
საკვერცხეების ფუნქციის ნაადრევ დაქვეითებასთან დაკავშირებული ჰორმონული დარღვევების დიაგნოსტიკა და მართვა. საჭიროების შემთხვევაში მკურნალობის პროცესში ერთვება გინეკოლოგიც.

ოსტეოპოროზი
ძვლის მინერალური სიმკვრივის დაქვეითებისა და მოტეხილობის რისკის შეფასება. კლინიკური ჩვენებების შესაბამისად იგეგმება დამატებითი კვლევები, მკურნალობა და შემდგომი მონიტორინგი.

ამბულატორიული სერვისები

ფარისებრი ჯირკვლისა და ლიმფური კვანძების წვრილნემსიანი ასპირაციული ბიოფსია
პროცედურა ტარდება ულტრაბგერითი კონტროლით და გულისხმობს საეჭვო წარმონაქმნიდან უჯრედული მასალის აღებას შემდგომი ციტოლოგიური კვლევისთვის. კვლევა ინიშნება კლინიკური ჩვენებებისა და ულტრასონოგრაფიული მონაცემების საფუძველზე.

ჩვენი მიდგომა

ენდოკრინული დაავადებების დიაგნოსტიკა ეფუძნება პაციენტის ჩივილების, კლინიკური გამოკვლევის, ჰორმონული და სხვა ლაბორატორიული მაჩვენებლებისა და ინსტრუმენტული კვლევების ერთობლივ შეფასებას.

მკურნალობის გეგმა ინდივიდუალურად განისაზღვრება დაავადების ტიპის, პაციენტის ასაკის, თანმხლები მდგომარეობებისა და კვლევის შედეგების გათვალისწინებით. საჭიროების შემთხვევაში ენდოკრინოლოგი თანამშრომლობს სხვა პროფილის სპეციალისტებთან.