კონიუნქტივიტი

კონიუნქტივიტი კონიუნქტივიტი არის თვალისა და ქუთუთოს ამომფენი გარსის, კონიუნქტივის ანთება. ვირუსულ კონიუნქტივიტებს შორის ყველაზე გავრცელებული ფორმა არის ადენოვირუსული კონიუნქტივიტი. იგი გადადის კონტაქტური და ჰაერ-წვეთოვანი გზით. ხშირად თან ერთვის ზედა სასუნთქი გზების ინფექციები და ტემპერატურა. პროფილაქტიკისთვის მნიშვნელოვანია ხელების ხშირი დაბანა, ჰიგიენური ნორმების დაცვა, ოთახის ხშირი განიავება. კონიუნქტივიტმა შეიძლება დააზიანოს როგორც ერთი, ისე ორივე თვალი. კონიუქტივიტის სიმპტომებია: თვალების სიწითლე/ ჩაწითლება; თვალის ქავილი; ცრემლდენა; ქუთუთოების შეშუპება, შესიება; გამონადენი, მათ შორის ჩირქოვანი, რაც იწვევს ქუთუთოების ერთმანეთზე შეწებებას და თვალის გახელა ძნელდება; მწვავე კონიუქტივიტი ხანმოკლეა, გამოირჩევა შეტევითი ხასიათით გამაღიზიანებლის მიმართ, ხოლო ქრონიკული - მთელი წლის განმავლობაში ზომიერად მიმდინარეობს. თუ ჩამოთვლილი სიმპტომებიდან ერთ-ერთი მაინც გაწუხებთ, მიმართეთ ოფთალმოლოგს დროული და სწორი მკურნალობისთვის.ოფთალმოლოგი - ნათია ცეცხლაძე